REATUS Indumenta

REATUS Indumenta

in Ecclesia Romana ubi Inquisitio viget, varia sunt. Gestatio crucium in vestibus paenitentialibus olim hodieque in Hispania et Lusitania frequentatur quam maxime: nec levis haec poena, tales enim omnium ludibrio et contumeliis exponuntur, cum per cruces tamquam ob haeresin notati significentur, sicque notati vitentur ab omnibus et tantum non omni humanitatis commerciô excludantur. Sed, uti carcer, ita et indumenta haec vel pecuniâ vel aliter redimi possunt. Frequens redimendi ratio in Hispania ista est: quod Rex aulicis puellis puerisve, aliquot Sambenitorum redemptiones dono dat, qui sollerter investigant, ubi et qui eâ poenâ mulctatisint, quibus illam maioris redimendi et facultas et voluntas suppetat, cum quibus postea de pretio paciscuntur, prout possent commodius pluris minorisve, tum personae coementis, tum etiam ipsius Sambeniti ratione habitâ. Qui enim erant irremissibiles, carius; qui cum carcere perpetuo erant adiuncti, mineris; quiad certum tempus et Inquisitoris libitum, viliori; qui ad Inquisitoris libitum tantum, adhuc minoris vendi solent. Alia vestis Samarra fuit etc. Vide Phil. a Limborch, Histor. Inquisit. l. 4. c. 32. et ubi de Cruce signatis, it. voce Santbenitum.